என்றோ எழுதியவை-2

சீட்டாட்டம்

ஒவ்வொரு சுற்றிலும்

வெவ்வேறு விரலில்,

வெவ்வேறு சீட்டுகளுடன் - சேர்வது

குலுக்கி போடப்பட்ட சீட்டுகள் மட்டுமல்ல...

கழித்துக் கட்டபடுவதும்,

முக்கிய புள்ளியாய் முளைப்பதும்,

பதுக்கபடுவதும்,

சீண்ட படாமலே போவதும்

சீட்டுகள் மட்டுமல்ல....

ஒட்டி நின்ற சீட்டுகள்

வேறு விரலுக்கு சென்றவுடன்

வெட்டபடுவதும் சீட்டாடத்திற்கு மட்டுமே

உரித்தானதல்ல...

ஆனால்,

அடுத்த ஆட்டம் அறிந்து கொள்வதும்,

ஆட தெரிந்தவனிடம் தஞ்சமடைவதும்

சீட்டுக்கு மட்டும் சாத்தியமில்லை.